Беҙҙең балалар баҡсаһында һәр төркөмөндә яңы йыл иртәлектәре булып үтте.

Беҙҙең балалар баҡсаһында һәр төркөмөндә яңы йыл иртәлектәре булып үтте. Был шатлыҡлы көндәр балаларҙың йылмайыуы, сағыу костюмдары, шаян йырҙары һәм бейеүҙәре менән тулы булды. Ҡыш бабай менән Ҡарһылыу байрамға йәм өҫтәп, балаларға шатлыҡ һәм күп итеп бүләктәр килтерҙе. Һәр бала мөғжизә менән тулы атмосфераға сумып, шыршы тирәләй конкурстарҙа, уйындарҙа һәм хороводтарҙа ҡатнашты.
 Иң бәләкәй дуҫтарыбыҙға бүләктәр менән күңелле йәнлектәр ҡунаҡҡа килде: ап-аҡ ҡуян, бүре һәм төлкө. Балалар ҡунаҡтарға ихлас шатланып, улар менән бергә күңел асты.
Кесе төркөм балалары, Ҡар бөртөктәре һәм Грамдар, Ҡар бабайҙың тылсымлы фонарын эҙләп тапты.
 Урта төркөм балалары әкиәттәр буйлап сәйәхәт итеп, Ҡарабас-Барабас йоҡлатҡан Ҡыш бабайҙы эҙләне. Әлбиттә, беҙҙең балалар, уңышҡа өлгәшеп, Ҡыш бабайҙы байрамға кире ҡайтара.
 Оло әҙерлек төркөмөндә быйыл ғәҙәти булмаған яңы йыл байрамы үтте. Мәскәй әбей, ғәҙәттә, балаларға байрамды боҙа торған, был юлы Ҡар Бабай менән бергә Ҡыш Бабайҙы табырға ярҙам итте.
 Беҙ Яңы йыл байрамын онотолмаҫлыҡ итеп үткәрергә, һәм һәр балаға ысын мөғжизә тойғоһо бүләк итергә тырыштыҡ.
 Ата-әсәләргә айырыуса рәхмәт белдерәбеҙ, улар байрамға әҙерләнеүҙә әүҙем ҡатнашты, балаларға матур костюмдар әҙерләп, бәләкәй артистарыбыҙға үҙҙәренең алҡыштары һәм һоҡланыуы менән ярҙам итте.
 Яңы йыл ул мөғжизәләр һәм теләктәрҙе үтәү ваҡыты. Яңы йылда һәр көн бәхет, һаулыҡ һәм шатлыҡлы асыштар менән тулы булһын!